Fidias Panayiotou: Il-YouTuber Ċiprijott li minn kummidjant fuq l-internet sar MEP

YouTuber popolari f’Ċipru għadu kif jiġi elett bħala MEP indipendenti fil-Parlament Ewropew.

Fidias Panayiotou, li kien sinonimu maċ-ċajt fuq l-profili tal-midja soċjali tiegħu rnexxilu jġib 19.4% tal-voti fiċ-Ċipru, it-tielet l-aktar fost il-partiti l-oħra.

Huwa kien l-aktar famuż talli għamel ġimgħa maqful ġewwa tebut, u anke bis-serje li għamel jggħannaq 100 ċelebrità inkluż Elon Musk.

Huwa kellu mat-2.6 miljun subscriber u minkejja li ma kellhux esperjenza politika ta’ xejn, il-midja internazzjoanli qed tiddeskrivih bħala “tgħalima għall-partiti l-kbar.”

Is-sena l-oħra, Panayiotou, kien sab ruħu f’kontroversja wara sfida li huwa għamel fuq YouTube fejn irnexxilu jivvjaġa fuq ferrovija u jiekol f’kuanda ta’ ħames stillel mingħajr ma’ jħallas ċenteżmu.

Huwa qal mal-midja li l-kandidatura tiegħu f’April ma saritx biex hu jidħol fil-politika, iżda biex jenkoraġixxi ż-żgħażagħ jinvolvu ruħhom fil-politika.

Malta wkoll kellha kandidat simili, li frankament għall-ewwel darba tiegħu f’elezzjoni ta’ din l-iskala ma marx ħażin.

James Ryder, il-kummidjant lokali, ikkontesta l-elezzjonijiet ta’ din is-sena fl-1 t’April.

In-nies laqgħu l-kandidatura tiegħu b’sorpriża, tant li bosta ħasbu li kienet ċajta.

Madankollu fl-elezzjonijiet tas-Sibt li għadda huwa ħareġ bħala t-tielet l-aktar kandidat indipendeti popolari, wara Arnold Cassola u Conrad borg Manchè.

Huwa ġab 1,585 vot mill-ewwel għadd, u nqala’ fis-26 għadd, b’2,244 vot.