L-Ingilterra rreġistrat aktar minn 50,000 każ ġdid tal-covid għall-ewwel darba minn Jannar

Iktar minn 50,000 każ ta’ coronavirus ġew irreġistrati fir-Renju Unit għall-ewwel darba minn Jannar, fl-aħħar 24 siegħa. Fil-fatt ġew irreġistrati 51,870 każ - l-ogħla ċifra mill-15 ta’ Jannar - u 49 mewt.

Mit-Tnejn li ġej, ir-regoli tal-lockdown għandhom jiġu fit-tmiem għalkemm xi miżuri se jibqgħu fis-seħħ. 

Ftit kmieni illum, uffiċjal mediku wissa li n-numru ta’ nies fl-isptar trattati bil-Covid kien qed jirdoppja bejn wieħed u ieħor kull tliet ġimgħat.

L-ogħla numru ta' każijiet li r-Renju Unit irreġistra s'issa huwa dak ta' 68,053 fit-8 ta' Jannar.