Erba' persuni jinqatlu f'attakk terroristiku fi Vjenna

Erba’ persuni nqatlu f’dak li qed ikun meqjus bħala attakk terroristiku li seħħ fi Vjenna, fl-Awstrija lbieraħ filgħaxija.

L-attakk seħħ hekk kif ir-residenti kienu qed igawdu l-aħħar sigħat barra qabel mal-belt tidħol f’lockdown parzjali minħabba l-Covid-19.

Wieħed mis-suspettat inqatel fuq il-post.

Il-Ministru għall-Intern Karl Nehammer qal li nqatlu żewġt irġiel u żewġ nisa.

Jidher li s-suspettat kien qed iġorr arma tan-nar u kien liebes ukoll ġakketta splussiva, iżda din kienet falza.

L-awtoritajiet mhux jeskludu li kien hemm aktar persuni involuti.