Kunċerti tal-Milied minn The New Choral Singers fiż-Żurrieq u r-Rabat

Il-kor The New Choral Singers (TNCS) se jkun qed itella’ l-kunċert annwali tal-Milied tiegħu, Musical Tidings — Voices for the Nativity, fil-21 ta’ Diċembru 2025 fil-Knisja ta’ San Duminku u l-Madonna fil-Rabat, bħala parti mill-programm festiv tiegħu għal dan iż-żmien tas-sena. 

Il-kunċert jibda fis-7 p.m. u se jinkludi programm ta’ mużika tradizzjonali tal-Milied taħt id-direzzjoni ta’ Mauro Farrugia, bl-assistenza ta’ Helen Turner. Il-kor se jkun akkumpanjat fuq il-pjanu minn Irina Fedcenko-Carbonaro u Romina Morrow. 

Bħalma saret drawwa matul is-snin, l-udjenza se tkun mistiedna wkoll tingħaqad mal-kor fil-kant ta’ numru ta’ innijiet tal-Milied magħrufa, tradizzjoni li TNCS ilha żżomm bħala parti mill-esperjenza komunitarja tal-kunċerti tagħha. 

Minbarra dan l-avveniment, The New Choral Singers se jkunu qed jikkollaboraw ukoll mal-Queen Victoria Band A.D. 1865 taż-Żurrieq f’kunċert ieħor tal-Milied li se jsir fit-12 ta’ Diċembru 2025 fil-Pro-Katidral ta’ San Pawl fil-Belt Valletta. Dan il-kunċert, skedat għat-8 p.m. se jgħaqqad repertorju korali u mużika tal-banda fi programm wieħed. 

Id-dħul għaż-żewġ kunċerti huwa b’xejn u miftuħ għall-pubbliku, bi ġbir volontarju li se jsir b’risq il-knejjes rispettivi. 

Aktar dettalji dwar l-attivitajiet ta’ The New Choral Singers jinsabu fuq is-sit elettroniku tagħhom.