L-Isqof Scicluna jmexxi l-pellegrinaġġ penitenzjali

Ilbieraħ filgħaxija sar il-pellegrinagg penitenzjali ta’ Ras ir-Randan immexxi mill-Amministratur Appostoliku, l-Isqof Charles J. Scicluna.
 
Il-pellegrinaġġ mexa mill-knisja ta’ San Girgor għall-knisja parrokkjali taz-Zejtun u fih ħa sehem ukoll is-sacerdot tal-Kopti Ortodossi tal-Egittu, Abouna Boulos Elsouriany li kien il-mistieden tal-Isqof Scicluna.

Din l-istedina twasslet b’turija ta’ solidarjetà mal-Kopti Insara Eġizzjani, wara l-qtil makabru fil-Libja ta’ 21 persuna tal-istess Knisja.

Il-pellegrinaġġ intemm b’Quddiesa fil-knisja parrokkjali taz-Zejtun, li matulha sar ir-rit tat-tqegħid tal-irmied.