Tiri f'San Ġiljan waqt operazzjoni tal-pulizija

lI-pulizija bħalissa qed tirrispondi għal sitwazzjoni f'San Ġiljan wara rapporti li nstemgħu tiri.

Il-gazzetta oħt, MaltaToday hija infurmata li l-inċident beda meta persuna allegatament tat in-nar lil struttura ta' armar fejn dak il-ħin kien hemm ħaddiema.

Dan il-ġurnal jinsab infurmat li fuq il-post hemm uffiċjali tal-Pulizija u membri tal-Protezzjoni Ċivili, filwaqt li allegatament intużaw ukoll drones u flashbangs waqt l-operazzjoni.

Skont l-informazzjoni li waslet għand MaltaToday, is-suspettat jinsab imdawwar mill-pulizija, li qed jordnawlu jċedi.

S'issa l-pulizija għadha ma ħarġitx stqarrija uffiċjali dwar l-inċident.

Aktar dettalji malli jasslulna.