Raġel jispiċċa l-isptar wara ħabta ma’ karozza

Sewwieq ta’ mutur ta’ 53 sena mill-Imqabba spiċċa l-isptar wara ħabta li seħħet bejn il-mutur li kien qed isuq u vettura oħra fi Triq Ħal Farruġ. 

L-inċident seħħ għall-ħabta tal-10:40 am., meta l-mutur, li għalissa għadu mhux magħruf kif spiċċa involut fil-ħabta, kellu impatt ma’ karozza oħra. 

Fuq il-post issejħu l-Pulizija, li bdew l-investigazzjonijiet sabiex jiċċaraw iċ-ċirkostanzi tal-każ. 

Is-sewwieq ittieħed l-Isptar Mater Dei b’ambulanza għall-kura meħtieġa, iżda s’issa l-kundizzjoni tiegħu għadha mhix magħrufa.