Jitlef ħajtu wara li waqa' minn fuq sellum

Raġel ta’ 71 sena residenti Ħad-Dingli waqa’ minn għoli ta’ madwar sular waqt li kien fuq sellum f’garaxx f’Misraħ is-Suffara fejn sfortunatament ġie ċċertifikat mejjet fuq il-post

28 ta' Novembru 2023 16:30
minn Elaine Camilleri

Raġel jitlef ħajtu f’Ħad-Dingli nhar it-Tlieta, għall-ħabta tal-ħdax u nofs ta' filgħodu.

Il-Pulizija ġiet infurmata li kien hemm bżonn l-assistenza f’garaxx f’Misraħ is-Suffara, Ħad-Dingli fejn irriżulta li raġel ta’ 71 sena residenti Ħad-Dingli stess waqa’ minn għoli ta’ madwar sular waqt li kien fuq sellum f’garaxx privat.

Fuq il-post issejjaħ tim mediku u ambulanza sabiex jassistu, iżda sfortunatament ir-raġel kien iċċertifikat mejjet fuq il-post.

Il-Maġistrat tal-Għassa Leonard Caruana kien infurmat bil-każ u ħatar inkjesta filwaqt li l-investigazzjonijiet tal-Pulizija għadhom għaddejjin.

Jitlef ħajtu wara li waqa' minn fuq sellum

Raġel ta’ 71 sena residenti Ħad-Dingli waqa’ minn għoli ta’ madwar sular waqt li kien fuq sellum f’garaxx f’Misraħ is-Suffara fejn sfortunatament ġie ċċertifikat mejjet fuq il-post

Raġel jinżamm arrestat wara li tressaq il-Qorti akkużat li abbuża sesswalment lil bintu ta’ 13-il sena

Raġel ta’ 71 sena jitlef ħajtu wara inċident bi grinder f’għalqa f’Ħ’Attard

Seduta tal-Qorti sospiża wara li akkużat irriżulta li għandu t-tuberkulożi

Raġel akkużat li stupra tifla ta’ ħames snin