Raġel jinżamm taħt arrest wara li gidem uffiċjal tad-detenzjoni

Żagħżugħ ta' 16-il sena jinżamm taħt arrest wara li pprova jaħrab miċ-ċentru ta' detenzjoni u sar aggressiv meta twaqqaf

20 ta' Settembru 2019 16:23
minn Albert Gauci Cunningham

Żagħżugħ immigrant ta' 16-il sena li gidem uffiċjal tad-detenzjoni meta kien qed jipprova jaħrab miċ-ċentru f'Ħal Safi inżamm taħt arrest wara li ammetta l-akkużi miġjubin kontrih.

Il-Maġistrat Audrey Demicoli semgħet kif nhar il-Erbgħa wara nofsinhar l-akkużat tela' max-xatba biex jipprova jaħrab. Meta l-uffiċjali ppruvaw iwaqqfuh sar aggressiv.

L-avukat tal-akkużat Stephen Tonna Lowell, qal illi l-akkużat għandu bżonn l-għajnuna għaliex għadda minn ħafna u għandu karattru diffiċli. "Vera prova jaħrab imma ma wettaqx att terroristiku," qal.

Il-Qorti ddeċidiet li l-akkużat jibqa' taħt arrest fil-Young Offenders Unit tal-ħabs sakemm tinqata' s-sentenza. Ma saritx talba għall-ħelsien mill-arrest.

Albert Gauci Cunningham, 38 sena, ġie appuntat Editur tal-gazzetta ILLUM u tas-sit illum....

Mara bla saqaf fuq rasha tintbagħat sitt xhur ħabs wara sensiela ta’ inċidenti fil-Pjazza tal-Ħamrun

Jaelle Borg

Raġel jingħata l-ħelsien mill-arrest wara li nstab b’120 gramma eroina u kważi €19,000 fi flus kontanti

Jaelle Borg

Sid ta’ dar abbandunata jirrakkonta sensiela ta’ daħliet illegali waqt li tkompli l-kumpilazzjoni fil-każ ta’ allegat stupru kollettiv

Jaelle Borg

Seba’ persuni bi ġrieħi wara ħabta bejn karozza tal-linja, trakk, u tliet karozzi fil-Mosta

Jaelle Borg