Fi stqarrija maħruġa mill-Partit Nazzjonalista il-Ġimgħa 18 t’Awwissu, tħabbar li l-każin tal-partit fil-Ħamrun se jkun temporanjament magħluq.
Id-deċiżjoni ttieħdet mill-Kunsill Amministrattiv tal-partit, u għal perjodu indefinit.
Dan wara li allegatament il-Kap tal-partit Bernard Grech ma tħallhiex jidħol ġewwa nhar il-Ħadd 13 t’Awwissu, waqt il-festa tar-raħal. F’dan l-inċidenti ġie rrappurtat li raġel li kien qed jakkumpanja lil Grech ġie aggredit minn xi nies li kienu fil-każin, b’tant aggressjoni li kien jesiġi operazzjoni f’irkupptejh.
Il-vittma, Noel Mifsud Bonnici, jiġi minn Grech.
Sal-Ħamis 17 t’Awwissu, hu kien għadu l-isptar, meta t-tifla tiegħu tellgħet ritratt miegħu fuq il-midja soċjali fejn iddikjarat li hi “eks-Nazzjonalista,” u li missierha kien ħaruf tas-sagrifiċju wara li ħadd ma ddefendih.
Il-Partit Nazzjonalista għadu s’issa ma ħariġx stqarrija fuq l-inċident.
