Aktar minn 9,000 persuna qed jistennew biex jagħmlu MRI fl-Isptar Mater Dei

Xejn inqas minn 9,123 persuna qed jistennew biex ikunu jistgħu jagħmlu MRI - proċess li permezz tiegħu tabib ikun jista' jeżamina l-organi u s-sistemi tal-ġisem biex tkun evalwata l-possibilità ta' problemi u mard differenti. Din l-informazzjoni ingħatat mill-Ministru tas-Saħħa u Deputat Prim Ministru Chris Fearne li qal ukoll iżda illi bħalissa qed isiru medja ta' 738 MRI fil-ġimgħa u li f'każi li jkunu urġenti l-appuntament jingħata dak il-jum stess. 

Fearne kien qed iwieġeb mistoqsija parlamentari tad-Deputat Nazzjonalista Jerome Caruana Cilia.