Raġel fil-periklu tal-mewt wara li ġie aggredit f'San Ġiljan

Raġel mill-Awstrija ta' 47 sena jinsab fil-periklu tal-mewt wara li ġie aggredit minn xi persuni fix-Xatt ta' San Ġorġ f'San Ġiljan.

Il-każ seħħ ilbieraħ għall-ħabta tad-9:00pm.

Malli waslu fuq il-post il-Pulizija, il-persuni li weġġgħu lir-raġel kienu ħarbu minn fuq il-post.

Il-vittma ngħata l-għajnuna minn tim mediku, ittieħed l-Isptar Mater Dei b'ambulanza u ġie ċċertifikat li weġġa’ serjament.

Il-Maġistrat tal-Għassa Dr Charmaine Galea ġiet infurmata bil-każ u ħatret inkjesta.

L-investigazzjonijiet tal-Pulizija għadhom għaddejjin.