285 persuna fiequ mill-Covid-19 filwaqt li l-każi ġodda reġgħu telgħu b'1,147

L-awtoritajiet tas-saħħa ħabbru li fl-aħħar 24 siegħa nstabu 1,147 każ ġdid ta' Covid-19, filwaqt li fiequ 285 persuna oħra.

Dan ifisser li f'Malta hawn 14,121 każ attiv ta' Covid-19. 

Naqsu wkoll il-pazjenti li jinstabu fl-ITU, hekk kif bħalissa hemm ħames persuna, iżda l-bieraħ kien hemm seba' persuni.

Intant f''Mater Dei bħalissa hemm rikoverati 124 persuna bil-Covid-19, żieda ta' żewġ persuni mill-bieraħ.

Intant, 236,942 persuna diġà ħadu l-booster tat-tilqima.

Fl-aħħar 24 siegħa ġiet mħabbra wkoll il-mewta ta' raġel ta' 65 sena li miet waqt li kellu l-Covid-19.