Il-PN b'ħames proposti sabiex jgħin l-industija tal-manifattura u n-negozji żgħar

Il-Partit Nazzjonalista ħabbar ħames proposti biex jgħinu l-industrija tal-manifatura, in-negozji żgħar fkif ukoll metodi ta' għajnuna għal ħaddiema. Dan ġie mħabbar f'konferenza tal-aħbarijiet indirizzata mid-Deputat Nazzonjalista Jason Azzopardi bl-għan li l-istess proposti mħabbra jwasslu sabiex "l-ispejjeż tal-kumpaniji u l-imprendituri jonqsu filwaqt li l-paga tal-ħaddiema tiżdied."

Azzopardi ħabbar li l-PN qed jipproponi li jitwaqqaf fond nazzjonali ta’ 40 miljun Ewro biex ngħinu lill-industrija tal-manifattura u l-SMEs biex jgħelbu l-problema ta’ spejjeż żejda kkawżati mis-sitwazzjoni ġeografika ta' gżira mdawra bil-baħar.

Din il-proposta kienet imfassla wara konsultazzjoni mal-istakeholders kollha hekk kif kien innutat li pajjiżna ma jistax jikkompeti ma pajjiżi oħrajn għaliex għandu ħafna spejjeż marbuta ma’ trasport, kif tixhed l-istatistika. Il-proposta tal-PN ta’ fond ta’ 40 miljun se tfisser żieda ta’ 10% fil-GDP.

Azzopardi ġab ukoll eżempju ta' sitwazzjoni li baqgħet tiggrava hekk sknt hu kif minħabba l-pandemija, kontejner miċ-Ċina lejn Malta li kien jiswa lill-imprendituri 2,000 Ewro, issa qed jiswa 11,000 Ewro.

Il-Partit Nazzjonalista sejjaħ lill-Gvern biex jagħmel talba lill-Kummisjoni Ewropea sabiex ikun hemm emendi għal regoli ta’ state aid filwatq li jkun hemm eċċessjoni biex il-Malti jkun jista ta’ kull sena jibbenefika minn għajnuna u jikkompeti ma kull min huwa fil-madwar.

Il-proposti li ħabbar il-PN huma dawn:

1. Jitwaqqaf fond nazzjonali ta’ 40 miljun biex jindirizza spejjeż marbuta mal-importazzjoni u l-esportazzjoni ta’ prodotti.
2. Isir investiment neċessarju f’intermodal hub internazzjonali strateġiku u ħolistiku li jgħaqqad il-merkanzija trasportata b’modi differenti minn u lejn pajjiżna.
3. Jiġi inċentivat investiment fi pjattaformi diġitali komuni u aċċessibbli permezz ta’ Application Programming Interfaces għall-persuni kollha kkonċernati.
4. Tiżdied l-aċċessibiltà għal prodotti u għas-servizzi Għawdxin għal Maltin u viċi versa.
5. Jissaħħaħ l-infrastruttura lokali sabiex prodotti mixtrija mill-konsumatur Malti b’mod diġitali jaslu għandu bl-aktar mod effettiv u faċli.

Jason Azzopardi kien akkumpanjat mill-Kandidati tal-PN għall-elezzjoni ġenerali, Stanley Zammit u Noel Muscat.