Il-Gvern se jiftaħ il-kaċċa għas-summiena mill-10 ta' April

Il-Gvern ħabbar li se jkun qed jiftaħ l-istaġun għall-kaċċa tas-summiena fir-rebbiegħa mill-10 ta’ April sat-30 ta’ April u dan wara r-rakkomandazzjoni tal-Ornis

Il-kaċċa se tkun legali minn sagħtejn qabel tlugħ ix-xemx sa nofsinhar, inkluż fost il-ġimgħa, nhar ta’ Sibt u Ħadd u festi pubbliċi.

Il-kwota nazzjonali għal dan l-istaġun hija ta’ 2,400 summiena u mhu se jkun hemm l-ebda kwota individwali.

"Il-kaċċa għas-summiena hija minnha nnifisha attività solitarja. Id-direttivi kollha li ħarġu u li jistgħu jibqgħu joħorġu mill-awtoritajiet tas-saħħa huma applikabbli għal kulħadd, inkluż għal dan is-settur," saħqet l-istqarrija.

Il-Gvern appella biex issir kaċċa għas-summiena biss u biex kulħadd għandu jimxi mal-parametri tal-liġi.