Aġġornata | L-EMA tapprova l-vaċċin ta' Johnson & Johnson; Jirrikjedi doża waħda biss
Dan se r-raba' vaċċin li mistenni jasal Malta
More in Politika
Dan se r-raba' vaċċin li mistenni jasal Malta
L-Aġenzija Ewropea tal-Mediċini, approvat ir-raba' vaċċin kontra l-Covid-19, jiġifieri dak tal-kumpanija Johnson & Johnson.
Dan il-vaċċin jirrikjedi biss li tingħata doża waħda u għalhekk huwa mistenni li jħaffef il-proċess tat-tilqim.
Dan ifisser li issa, għall-użu fl-Unjoni Ewropea, hemm approvati erba' vaċċini, jiġifieri dak ta’ BioNtech u Pfizer, Moderna, AstraZeneca u issa ta' Johnson & Johnson.
L-ewwel vaċċin, dak ta' Pfizer, ġie approvat f'Diċembru li għadda, bl-ewwel tilqima f'Malta tingħata fis-27 ta' Diċembru.
📢 EMA has just recommended granting a conditional marketing authorisation for #COVID19vaccine Janssen to prevent #COVID19 in people from 18 years of age.
— EU Medicines Agency (@EMA_News) March 11, 2021
👉 https://t.co/j7jetH1Tbx pic.twitter.com/cKGKujrqYp
Sa issa, tlaqqmu l-ħaddiema fis-settur tas-saħħa u frontliners oħra fosthom il-Pulizija u l-Armata.
Bdew jiġu mlaqqma wkoll l-edukaturi u l-istaff tal-iskejjel u anke ħaddiema oħra essenzjali.
Tlaqqmu l-anzjani li għandhom minn 75 sena 'il fuq u qed jitlaqqmu wkoll il-persuni vulnerabbli.
Anzjani li għandhom 'il fuq minn 60 sena bdew jirċievu wkoll l-appuntamenti.
Malta fil-fatt tinsab fuq quddiem nett fir-rata tat-tilqim fl-Unjoni Ewropea.
Sal-bieraħ ġew amministrati 105,416-il doża. 35,093 persuna ħadu ż-żewġ dożi.