Il-każi l-ġodda tal-Covid-19 jerġgħu jiżdiedu u jaqbżu l-200; Ifiqu 175 persuna

L-awtoritajiet tas-saħħa ħabbru 203 każi ġodda ta' Covid-19 u dan wara li fl-aħħar jiem il-każi kien naqsu xi ftit. Apparti minn hekk fiequ 175 persuna oħra.

Ilbieraħ saru 3,345 test u issa l-każi attivi huma 2,632.

Tħabbret ukoll il-mewt ta' żewġ persuni oħra. Dawn huma anzjana ta' 76 sena li mietet fir-residenza ta' San Vinċenz de Paule u anzjan ta' 79 sena li miet fit-23 ta' Jannar fir-residenza tiegħu stess.

Dan ifisser li l-għadd tal-vittmi issa tela' għal 253.

Apparti minn hekk, sa issa, ġew amministrati 19,981 doża tal-vaċċin. Sa issa kienu 1,198 persuna li ħadu ż-żewġ dożi tal-vaċċin.