106 każi ġodda ta' Covid-19 filwaqt li jfiqu 108 pazjent

Fl-aħħar 24 siegħa, saru 2,816 test għall-Covid-19 u minn dawn irriżultaw 106 każi ġodda filwaqt li 108 persuni ġew ikkonfermati mfejqa.

Dan ifisser li bħalissa hawn 1,937 persuna pożittivi għall-virus.

Il-każi tal-lum għadhom qed jiġu investigati.

Mill-218-il każ tal-bieraħ, 23 kienu qraba ta' pazjenti, 10 kienu kollegi u żewġ persuni kellhom kuntatt dirett ma' persuni pożittivi.

Kien hemm ukoll każ importat u żewġ każi minn attivitajiet soċjali.