B'kollox fl-isptarijiet hemm 68 pazjent
Il-każi attivi tal-Covid-19 f'Malta issa huma 1,095 hekk kif fl-aħħar 24 siegħa Malta rreġistrat rekord ieħor ta' 122 każ ġdid.
Skont is-Supretendent tas-Saħħa Pubblika, Charmaine Gauci, fl-isptarijiet, hemm 68 pazjent bil-Covid-19. Sitta jinsabu fit-Taqsima tal-Kura Intensiva (ITU).
Apparti dawn fiequ 36 persuna oħra.
B'kollox, ilbieraħ saru 2,882 test.
Minn meta feġġ l-ewwel każ, f'Malta kien hawn 4,282 każ.