Il-każi jkomplu telgħin hekk kif Malta rreġistrat rekord ieħor ta' 122 każ ġdid ta' Covid-19

Il-każi attivi tal-Covid-19 f'Malta issa huma 1,095 hekk kif fl-aħħar 24 siegħa Malta rreġistrat rekord ieħor ta' 122 każ ġdid.

Skont is-Supretendent tas-Saħħa Pubblika, Charmaine Gauci, fl-isptarijiet, hemm 68 pazjent bil-Covid-19. Sitta jinsabu fit-Taqsima tal-Kura Intensiva (ITU).

Apparti dawn fiequ 36 persuna oħra.

B'kollox, ilbieraħ saru 2,882 test.

Minn meta feġġ l-ewwel każ, f'Malta kien hawn 4,282 każ.