Il-Kummissarju għas-Saħħa wkoll jisħaq li l-attivitajiet tal-massa għandhom jitwaqqfu

Il-Kummissarju għas-Saħħa, fi ħdan l-Uffiċċju tal-Ombudsman insista li jaqbel mat-talbiet li qed isiru biex jitwaqqfu minnufih l-attivitajiet tal-massa.

Fi stqarrija, il-Kummissarju insista li mill-evidenza disponibbli ma hemmx dubju li "hemm bżonn li tittieħed azzjoni qabel is-sitwazzjoni ssir waħda ddisprata."

Insista li fl-aħħar  xhur saru sagrifiċċji kbar mill-professjonisti fil-qasam tas-saħħa, mill-pubbliku u min-negozji. 

"Għandu jiġi żgurat li dak li nkiseb ma jintilifx," kompla l-Kummissarju.

Appella biex ikun hemm direzzjoni mill-Awtoritajiet tas-Saħħa.