Lura għal żero! L-ebda każ ta' Covid-19 fl-aħħar 24 siegħa

In-numri reġgħu niżlu għal żero bl-ebda każ ta' Covid-19 reġistrati fl-aħħar 24 siegħa u dan wara żieda fin-numri fl-aħħar ġranet, bil-każi attivi jitilgħu b'sitta lbieraħ minħabba attendenza f'party fil-Lukanda Radisson f'San Ġiljan. 

Fl-aħħar 24 siegħa saru b'kollox 1,085 swab, biex sa issa saru 118,925 swab minn meta faqqa' l-aewwel każ lura fis-7 ta' Marzu li għadda. 

Dan ifisser li l-każi attivi baqgħu ta' 12, numru baxx ħafna kkumparat mal-mijiet mal-mijiet ta' każi attivi fl-eqqel tal-pandemija. 

Sa issa Malta kellha 680 każ ta' Covid-19 li minnhom 668 fiequ, jiġifieri rata ta' fejqan ta' 98.2%. Sa issa kien hemm biss disa' mwiet mis-680 każ, jiġifieri rata ta' mortalità ta' 1.3%.