Żagħżugħ b'daqqa ta' sikkina jmur għall-għajnuna fl-Għassa ta' San Ġiljan

Żagħżugħ jinsab fil-periklu tal-mewt wara argument li kellu ma raġel ieħor f’appartament f’San Ġiljan.

Il-każ seħħ għall-ħabta tas-6:00am fi Triq il-Foresta.

Mill-ewwel informazzjoni jirriżulta li ż-żagħżugħ ta’ 22 sena minn Sqallija mar minn jheddu fl-Għassa ta’ San Ġiljan biex jitlob l-għajnuna.

Jidher li kellu xi jgħid ma’ raġel ieħor f’appartament u dan tal-aħħar allegatament aggredih b’sikkina.

Huwa ttieħed l-Isptar Mater Dei fejn ġie ċċertifikat li qed isofri minn ġrieħi serji.

Dwar il-każ infetħet inkjesta Maġisterjali.