98% tal-ħaddiema tal-'groundhandling' fl-Air Malta japprovaw l-ftehim kollettiv il-ġdid

Kważi l-ħaddiema kollha tas-sezzjoni tal-groundhandling tal-Air Malta, jew 98%, ivvutaw favur il-miżuri u kundizzjonijiet tax-xogħol hekk kif stipulati fil-ftehim kollettiv li dwaru l-unjin li tirrapreżentahom qablet mal-Gvern. Il-GWU tirrapreżenta lill-ħaddiema tal-groundhandling fl-Air Malta. 

Dan ifisser li issa l-Gvern se jkun qed jiffirma t-tielet Ftehim Kollettiv ma' ħaddiema tal-Air Malta; mal-inġiniera, mal-cabin crew, liema ftehim ffirmat aktar kmieni illum u issa mal-ħaddiema tal-groundhandling. 

Dan għalhekk iħalli ftehim mal-piloti bħala l-akbar sfida li l-Gvern għad irid jegħleb f'termini ta' kundizzjonijiet tax-xogħol fil-linja nazzjonali tal-ajru.

98% of @AirMalta groundhandling crew just voted in favour of collective agreement. Big thanks to General Workers Union and Air Malta negotiating team led by HE George Abela. As from next year we will set up a new Ground Handling Company.

— Konrad Mizzi (@KonradMizzi) December 6, 2017