Il-'biċċerija' li fiha Assad għallaq 13,000 Sirjan mill-2011

Il-Gvern Sirjan qatel iktar minn 13,000 priġunier billi għallaqhom, f'dak li jidher li huwa qtil tal-massa f'ħabs f'Damasku. Dan kien żvelat f'rapport ta' Amesty International u huwa mifhum li dan il-qtil ilu għaddej mill-2011. 

Ir-rapport jgħid ukoll illi f'dan il-ħabs kienet għaddejja tortura sistematika, tant li l-ħabsin kienu jirrefeu għall-post bħala 'l-biċċerija'. Huwa mifhum li wħud mill-priġunieri nqatlu wara ġuri finta, li dam biss ftit minuti u ħafna drabi dan il-qtil kien ikun awtorizzat minn uffiċċjali Sirjani, inkluż Deputati tal-President Assad.