Waqt id-diskors ta' reazzjoni għall-Baġit li tħabbar il-ġimgħa li għaddiet, il-Kap tal-Oppożizzjoni Simon Busuttil qal kif il-Gvern qed jipprova jitfa' l-problema tal-Panama taħt it-tapit, "imma għalxejn għaliex barra minn Malta, jafu x'inhu jiġri."
Fil-fatt, Simon Busuttil qal li minn informazzjoni li għandu, kien hemm "diversi kumpaniji li jħallsu l-miljuni f'taxxi li telqu minn Malta minħabba l-iskandlu tal-Panama, u kien hemm oħrajn li kienu ġejjin Malta, u ma għamlux dan."
Dan, żied jgħid Busuttil, qed jitfa' pressjoni żejda fuq is-setturi ekonomiċi. Minkejja dan, Busuttil ma semmiex liem kienu dawn il-kumpaniji.
.png)
