Żieda ta' 59% fit-turisti li żaru Għawdex fl-2015

Kien ikkonfermat li s-sena l-oħra kienet waħda tajba ferm għat-turiżmu Għawdxi, tant li fl-2015 kien hemm żieda ta’ 59% fin-numru ta’ turisti li żaru din il-gżira bil-maġġoranza l-kbira tagħhom jibqgħu fil-gżira oħt għal imqar lejl wieħed.

Intant, bħalissa hemm b’kollox sitt applikazzjonijiet għal postijiet ta’ akkomodazzjoni f’Għawdex quddiem l-Awtorità tal-Ippjanar. Fost dawn hemm aplikazzjoni għal lukanda ġdida ta’ erba’ stilel u applikazzjoni għal estensjoni ta’ lukanda ta’ erba’ stilel.