€1 miljun f'għajnuna lil studenti b'diffikultà

Se jkun qed jinħoloq fond speċjali, b'allokazzjoni ta' €1 miljun sabiex tkun tista' tingħata għajnuna lil studenti li jkunu għaddejjin minn diffikultà. Kif ġie mħabbar fil-baġit, il-Ministeru għall-Edukazzjoni se jkun qed jaħdem id f'id mal-prinċipali tal-kulleġġi u kapijiet tal-iskejjel biex dawn il-fondi jiġu amministrati fl-aħjar interess tal-istudenti. 

Dan għandu jtejjeb il-kwalità tal-ħajja ta’ studenti f’diffikultà, mhux biss biex jgħinhom fejn jidħol l-għixien materjali iżda wkoll f’oqsma bħal kultura u sport.