Jeremy Corbyn ikkonfermat bħala mexxej tal-Partit Laburista Ingliż

Jeremy Corbyn rebaħ l-elezzjoni għall-mexxej tal-Partit Laburista Ingliż b'313,209 vot, waqt li l-kandidat l-ieħor, Owen Smith kiseb 193,229 vot, li jiġi 38.2%. Corbyn rebaħ l-elezzjoni b'maġġoranza ta' 61.8% tal-506,438 vot. Dan jagħmel din l-elezzjoni bħala t-tieni mandat f'sena biex Corbyn imexxi l-Partit.

F'diskors li għamel malli ġie mħabbar ir-rebbieħ tal-elezzjoni, Corbyn sostna li l-Partit għandu jkun, "magna ta' progress għall-pajjiż, biex inwasslu bidla vera f'dan il-pajjiż. Nimxu 'l quddiem u naħdmu flimkien bħala partit flimkien."