SOLD: Il-Każin tal-PN f'San Ġiljan mibjugħ għal nofs miljun ewro

Bħalissa jidher li l-PN għaddej b'ġirja sħiħa biex ibiegħ il-każini politiċi tiegħu, biex  minnhom jagħmel il-flus ħalli jkun jista jħallas id-dejn. Wara rapporti li l-każin Nazzjonalista ta' Bormla kien se jinbiegħ, issa kien żvelat kif il-Każin tal-PN ta' San Ġiljan inbiegħ għal €500,000. Il-ġurnal l-orizzont f'rapport li qed jidher illum jgħid kif numru ta' partitarji Nazzjonalisti Ġiljaniżi huma ferm irrabjati għall-partit dwar dan il-bejgħ f'lokalita' tradizzjonalment Nazzjonalista. Jidher illi minflok Każin tal-PN se jkunu qed jibnew appartamenti fl-istess post. 

L-istess rapport jgħid illi wara dak ta' San Ġiljan issa jmiss li jinbiegħ il-każin tal-PN ta' San Ġwann.