Tliet persuni evakwati mil-Libja għal Malta

Tliet persuni, tnejn ta’ nazzjonalità Bangladeshi u wieħed mill-Ghana, ġew evakwati mil-Libja għal Malta nhar il-Ġimgħa li għadda.

It-tlett irġiel kienu ġew maħtufa  flimkien ma’ sitt persuni oħra minn oilfield nhar is-6 ta’ Marzu 2015.

Huma ġew meħlusa u ntalbet għajnuna biex jiġu evakwati lejn Malta.  Huma qed jingħataw l-għajnuna neċessarja.

Tnejn minnhom diġà telqu lejn pajjiżhom u ieħor se jkompli fi triqtu lejn pajjiżu fis-sigħat li ġejjin.