Iktar min-nofs li applikaw għaċ-ċittadinanza huma Russi

Il-maġġoranza tal-persuni li applikaw għall-programm taċ-ċittadinanza b'investiment magħruf bħala l-IIP ġejjin minn pajjiżi eks sovjetiċi.

Dan jidher f'rapport annwali miġbur mir-regulatur tal-IIP Godwin Grima u juri l-173 applikant li applikaw minn Ġunju tal-2014 'l hawn.

Skont l-analiżi 59% tal-applikanti tal-IIP ġejjin minn pajjiżi sovjetiċi; 30% mill-kontinent tal-Asja u 3.5% mill-Afrika. 18% ġejjin minn pajjiżi tal-Lvant Nofsani u 9.8% ġejjin mill-Gulf.

Applikanti mill-pajjiżi BRICS - jiġifieri l-Brażil, ir-Russja, l-Indja, ċ-Ċina u l-Afrika t'Isfel jammontaw għal 61.3% tal-applikanti kollha.

Grima nnota li 54.3% tal-applikanti ġejjin mir-Russja, "Waqt li r-Russja tista' tkun meqjusa bħala pajjiż Ewropew, tagħmel parti mill-pajjiżi BRICS li huma grupp ta' pajjiżi li qed jiżvilluppaw u fejn hemm potenzjal kbir tat-tkabbir u b'hekk jaf ikollha impatti tajba fuq pajjiżna.

Applikazzjoni rċevuti minn Ġunju 2014

Ewropa                104
FSR                     102
Asja                      52
Gulf                      17
Lvant Nofsani       31
Afrika                     6
L-Amerka ta' Fuq  10
L-Amerka t'Isfel     1