Il-PN jikkundanna lil Glenn Bedingfield għaliex qabbel l-Iżlam man-Nazzizmu

 Il-Partit Nazzjonalista, fi stqarrija kkundanna dak li qal fuq Twitter l-assistent tal-Prim Ministru Glenn Bedingfield. Bedingfield fuq Twitter, għamel retweet ta' dak li qalet il-paġna Islamlie2.

Il-paġna bit-Taljan qalet li "L-unika differenza bejn il-Koran u l-Mein Kampf (il-manifest tan-Nazzisti), hu li dan tal-aħħar huwa aktar moderat."

L'unica differenza tra il Corano e Mein Kampf è che il secondo è più "moderato". @gasparripdl @magdicristiano @a_meluzzi @ferrarailgrasso

— Stop Islam 2 (@Islamlie2) February 16, 2015

Il-Partit Nazzjonalista ikkundanna dawn il- 'kummenti diskriminatorji li tefa' fuq Twitter, li fihom wera diskriminazzjoni kontra l-Iżlam.' "Is-sitwazzjoni hi delikata kif inhi fejn ghandu x'jaqsam it-terroriżmu relatat mar-reliġjon. Li jkollok l-assistent tal-Prim Ministru jgħaddi dawn il-kummenti, żgur li ma tgħinx," kompliet tgħid l-istqarrija tal-PN. "Il-Prim Ministru għandu jghid jekk jaqbilx ma dan jew le. U jekk le, il-Prim Ministru għandu jieħu azzjoni kontra Bedingfield u mhux jinjora s-sitwazzjoni."

Min-naħa tiegħu, Bedingfield fuq Twitter tefa' apoloġija jekk b'dak li qal offenda lil xi nies.

Apologies if my retweet offended people of goodwill, especially Muslim brothers/sisters who cannot be associated to any terrorist action

— Glenn Bedingfield (@GlenBedingfield) February 17, 2015