Il-Gvern għandu jżid il-paga minima - Partit Komunista

Il-Partit Komunista Malti saħaq li l-paga minima nazzjonali f'Malta mhiex suffiċjenti biex tassigura livell ta' għajxien diċenti. Il-Partit jinsisti li l-proposta ta' kumpens ta' €0.58 fil-mekkaniżmu tal-COLA hi ftit wisq għall-familji bi dħul baxx.

“Ħaddiema bil-paga minima għandhom jiġu trattati b'dinjità u rwol ta' l-Istat hu biex jassigura dan. Għalhekk nħeġġu l-gvern biex iżid il-paga minima nazzjonali. Nappellaw l-oppożizzjoni biex wkoll tappoġġja din il-proposta Il-Gvern għandu wkoll jsaħħaħ is-sistema f’Malta tal-welfare state b’tassazjoni aktar progressiva.”