Melita qed toffri firxa ta’ soluzzjonijiet flessibbli mfassla biex jgħinu lin-nies jibqgħu konnessi matul ix-xhur tas-sajf u lil hinn mingħajr il-ħtieġa ta’ kuntratti jew impenji fit-tul.
Imfassla b’mod partikolari għan-numru dejjem jikber ta’ persuni li jqattgħu parti mis-sena f’Malta, fosthom viżitaturi, residenti temporanji, studenti u dawk li jkollhom bżonn konnettività għal perjodu qasir, l-offerti jkopru l-internet, il-mobile u t-televiżjoni. Dawn kollha huma disponibbli permezz ta’ pagamenti ta’ kull xahar u b’kundizzjonijiet flessibbli.
Hekk kif Malta tkompli tattira viżitaturi u persuni li jaħdmu b’mod remot minn madwar l-Ewropa u lil hinn, id-domanda għal soluzzjonijiet ta’ konnettività temporanji iżda affidabbli qed tkompli tikber. L-offerti tas-sajf ta’ Melita tfasslu biex jissodisfaw din id-domanda billi jagħtu lill-klijenti l-flessibbiltà li jużaw is-servizzi li jeħtieġu għaż-żmien li jkollhom bżonnhom.
Simon Poljsak, Head of Marketing ta’ Melita, qal: “Aktar nies minn qatt qabel qed jagħżlu lil Malta bħala destinazzjoni għax-xogħol, l-istudju, l-ivvjaġġar jew għal soġġorni itwal. Fl-istess ħin, ħafna klijenti qed ifittxu soluzzjonijiet ta’ konnettività li jaqblu mal-istil ta’ ħajja tagħhom mingħajr ma jorbtuhom b’impenji fit-tul. Il-firxa ta’ soluzzjonijiet tagħna tfasslet biex toffri proprju din il-flessibbiltà, filwaqt li żżomm il-kwalità u l-affidabbiltà li l-klijenti jistennew minn Melita.”
L-offerti tas-sajf jinkludu Internet Fibre Power b’veloċità ta’ 100 Mbps, MyWiFi Instant Internet, aċċess għall-Premium TV App b’aktar minn 100 stazzjon inkluż kontenut sportiv, kif ukoll il-pjanijiet Endless tal-mobile. Melita toffri wkoll għadd ta’ garanziji lill-klijenti, fosthom garanziji marbuta ma’ proċess faċli biex wieħed jingħaqad ma’ Melita, il-veloċità, il-konnettività, tweġibiet malajr u tiswijiet malajr. Barra minn hekk, għal żmien limitat, kull min jabbona għal servizz ġdid ma’ Melita qed jingħata sunshade għall-karozza b’xejn.
“Kemm jekk xi ħadd ikun se jqatta’ ftit ġimgħat f’Malta, joqgħod hawn temporanjament, jaħdem remote jew sempliċement ikun qed ifittex soluzzjoni ta’ konnettività flessibbli, irridu nagħmluha faċli kemm jista’ jkun għalih biex jibqa’ konness,” żied Poljsak. Aktar informazzjoni hija disponibbli mill-ħwienet ta’ Melita jew www.melita.com.
.jpg)
