Nirien f’Ħad-Dingli taħt kontroll wara intervent tal-Protezzjoni Ċivili

Membri tal-Protezzjoni Ċivili u tifi tan-nar ġew mobilizzati kmieni t-Tnejn filgħodu wara li nirien qabdu f’binja f’Ħad-Dingli.

Id-Dipartiment tal-Protezzjoni Ċivili kkonferma li ħadd ma weġġa’ fl-inċident.

Timijiet mill-Istazzjonijiet tan-Nar 1 u 4 wettqu operazzjoni delikata biex jikkontrollaw il-fjammi u jevitaw li n-nar jinfirex għal żoni oħra fil-viċin.

L-intervent wassal biex is-sitwazzjoni titqiegħed taħt kontroll mingħajr ma ġew irrappurtati vittmi jew korrimenti.

Fi tmiem l-operazzjoni, id-Dipartiment tal-Protezzjoni Ċivili rringrazzja lill-ħaddiema tad-Dipartiment tal-Emerġenza fl-Isptar Mater Dei, lill-Korp tal-Pulizija, lil Transport Malta u lill-Enemalta għall-assistenza tagħhom waqt l-intervent.