Tliet persuni ddaħħlu l-isptar nhar il-Ħadd wara li ndarbu f’żewġ inċidenti tat-traffiku separati.
L-ewwel inċident seħħ għall-ħabta tat-3pm fi Triq Tal-Miżieb, San Pawl il-Baħar. Investigazzjonijiet preliminari sabu li raġel ta’ 63 sena mill-Mellieħa tilef il-kontroll tal-Volkswagen Scirocco li kien qed isuq u ħabat ma’ ħajt.
It-tieni inċident seħħ għall-ħabta tal-5:30pm fi Triq Daħlet Qorrot, Nadur. L-ewwel sejbiet jindikaw li mara ta’ 21 sena minn Santa Venera tilfet il-kontroll ta’ quadbike CF Moto u ħabat ma’ ħajt. Raġel ta’ 29 sena minn Ħal Għaxaq kien ukoll riekeb fuq il-quadbike.
Tim mediku assista fiż-żewġ xeni. Ir-raġel ta’ 63 sena ttieħed l-Isptar Mater Dei b’ambulanza, fejn aktar tard ġie ċċertifikat li sofra ġrieħi gravi.
Iż-żewġ vittmi l-oħra ttieħdu l-Isptar Ġenerali ta’ Għawdex, fejn ġew iċċertifikati wkoll li sofrew ġrieħi gravi.
L-investigazzjonijiet tal-pulizija għadhom għaddejjin.
