Baġit 2026 | Investiment fl-Arti u Kultura

Dwar il-kultura, Caruana qal li l-Culture and Arts Hub fil-Marsa jibqa’ prijorità ewlenija, u se jipprovdi faċilitajiet għall-artisti tal-Karnival. Bil-fondi Ewropej diġà assigurati, il-proċessi legali qed jaslu fi tmiemhom, u l-kostruzzjoni mistennija tibda dalwaqt.

Ix-xogħol se jkompli wkoll fuq Villa Gwardamanġa, proġett ieħor iffinanzjat mill-UE li se joħloq sit kulturali u turistiku importanti għal Malta.

Proġett pilota mmexxi mill-Arts Council, flimkien ma’ organizzazzjonijiet tal-arti performattiva, se jidentifika siti privati li jistgħu jintużaw għal skopijiet artistiċi.

Il-Kummissjoni tal-Films ta’ Malta finalizzat id-dokumentazzjoni għall-ewwel soundstage tal-pajjiż. Bil-permessi tal-ippjanar diġà approvati, se jinħareġ sejħa għal investiment privat dalwaqt. Qed isiru wkoll sforzi biex Malta tingħaqad ma’ Eurimages, li se toħloq aktar opportunitajiet ta’ koproduzzjoni u distribuzzjoni għall-artisti lokali.