Raġel mgħammad u armat b'sikkina jisraq ħanut... Il-Pulizija għadha qed tfittxu

Ilbieraħ għall-ħabta tat-8 a.m., il-Pulizija ġiet infurmata li kienet seħħet serqa minn ħanut fi Triq Ġużè Orlando, Birkirkara. 

Il-Pulizija marret fuq il-post fejn minn stħarriġ preliminari rriżulta li raġel mgħammad u armat b’sikkina, daħal fil-ħanut u talab il-flus lill-kaxxier. Aktar tard huwa ġie identifikat bħala raġel ta’ 31 sena residenti Ħ’Attard. Huwa ħarab minn fuq il-post wara li seraq ammont ta’ flus kontanti.

Ħadd ma weġġa’, bil-Pulizija għaddejja bit-tfittxija għall-ħalliel. Il-Maġistrat tal-Għassa Dr Gabriella Vella ġiet infurmata bil-każ u ħatret inkjesta filwaqt li l-investigazzjonijiet għadhom għaddejjin.