Arrestat raġel li se jkun akkużat b'attentat ta' qtil

Il-Pulizija arrestat raġel li kien qed ikun imfittex b'rabta ma' allegat attentat ta' qtil li seħħ f'Tas-Sliema fil-bidu ta' Awwissu.

Il-każ seħħ fis-6 ta’ Awwissu meta żagħżugħ ta' 21 sena allegatament qala' daqqiet ta' sikkina waqt argument fl-inħawi ta’ Tignè, Tas-Sliema.

Ir-raġel ġie arrestat wara ħidma konġunta bejn il-Pulizija tad-Distrett ta’ Tas-Sliema u l-Iskwadra tal-Omiċidji fi ħdan id-Dipartiment tar-Reati Maġġuri.

Ir-raġel qiegħed jinżamm fil-lock-up tal-Pulizija fil-Kwartieri Ġenerali, il-Furjana u mistenni jitressaq il- Qorti llum għall-ħabta tas-siegħa.

Il-Prosekuzzjoni se titmexxa mill-Avukati Dr George Camilleri u Dr Etienne Savona mill-Uffiċċju tal-Avukat Ġenerali, assistiti mill-Ispetturi Colin Sheldon u Wayne Camilleri.