Ħaddiem fil-periklu tal-mewt wara li waqa' minn fuq sellum

Ħaddiem jinsab fil-periklu tal-mewt wara li waqa' minn fuq sellum f’fabbrika fiż-Żona Industrijali tal-Imrieħel.

Il-każi seħħ ibieraħ, għall-ħabta tal-ħamsa u nofs ta’ wara nofsinhar.

Il-ħaddiem, Bulgaru ta’ 48, residenti l-Gżira, ittieħed minnufih Mater Dei u ġie ċċertifikat li qed isofri minn ġrieħi serji.

Bil-każ ġiet infurmata l-Maġistrat tal-Għassa li ordnat li ssir inkjesta u ħatret diversi esperti sabiex jassistuha.

L-investigazzjoni tal-Pulizija dwar dan il-każ għadha għaddejja.