Raġel jinstab mejjet fl-akkwati taż-Żonqor

Taljan ta' 44 sena nstab mejjet fl-akkwati taż-Żonqor f'Wied il-Għajn ftit wara l-għaxra u nofs ta' filgħodu.

Ir-raġel intlemaħ minn xi persuni li kienu fil-viċin u malli waslu l-Pulizija sabu lir-raġel mitluq mal-art.

Fuq il-post issejjaħ tim mediku iżda r-raġel kien iċċertifikat mejjet fuq il-post.

Dwar dan il-każ infetħet inkjesta maġisterjali u fis-sigħat li ġejjin se tkun qed issir awtopsja fuq il-katavru.

L-investigazzjoni tal-Pulizija dwar dan il-każ għadha għaddejja.