Żagħżugħa bi ġrieħi gravi wara li karozza waqgħet f'wied

Tfajla qed issofri minn ġrieħi ta’ natura gravi wara li żagħżugħ tilef il-kontroll tal-vettura u waqa’ f’Wied il-Kbira, fl-inħawi ta’ Għar Ħanżir f’Ħal Qormi.

Maż-żagħżugħ, li għandu 3 sena, kien hemm żewġ ġuvintur ta’ 22 sena u żewġ tfajliet ta’ 21 sena.

Fuq il-post issejħu l-Protezzjoni Ċivili kif ukoll tim mediku biex jassistu lill-vittmi.

Iż-żewġ tfajliet ittieħdu l-Isptar Mater Dei biex jingħataw il-kura meħtieġa.

Waħda mit-tfajliet ġiet iċċertifikata li qed issofri ġrieħi gravi filwaqt li t-tfajla l-oħra ma sofriet l-ebda ġrieħi.