Arrestati erbat irġiel b'rabta mal-karozza bomba fil-Fgura

Il-bomba, li ma kinitx ħadet, kienet tpoġġiet taħt il-karozza fl-4 ta' Jannar li għadda

15 ta' Marzu 2018 12:02
minn Albert Gauci Cunningham

Dalgħodu ġew arrestati erba' persuni b'rabta mal-każ ta' bomba li kienet tpoġġiet taħt karozza fil-Fgura fl-4 ta' Jannar li għadda.

Din il-bomba ma kinitx ħadet u kien induna s-sid stess qabel ma daħal fil-vettura.

L-erba’ persuni arrestati huma kollha rġiel, tlieta minnhom minn Birżebbuġa u wieħed mix-Xgħajra.

L-arresti seħħew wara investigazzjoni konġunta bejn il-Pulizija ta’ Malta, bl-għajnuna tas-Servizzi tas-Sigurtá u l-Forzi Armati ta’ Malta u li kienet ilha għaddejja għal diversi ġimgħat.

Il-Maġistrat tal-Inkjesta nżammet infurmata bl-iżviluppi kollha.

L-investigazzjonijiet tal-Pulizija għadhom għaddejjin.

Albert Gauci Cunningham, 38 sena, ġie appuntat Editur tal-gazzetta ILLUM u tas-sit illum....

Kwalità tal-ħajja, edukazzjoni u ġustizzja fost il-prijoritajiet tal-MPs eletti permezz tal-mekkaniżmu korrettiv tal-ġeneru

Jaelle Borg

‘Ħanqa ta’ ħmar qatt ma telgħet is-sema!’

Ftuħ tal-Parlament jew Fashion Week?

Carmelo Abela elett Speaker tal-Kamra tad-Deputati

Jaelle Borg