Filmat | Gaudos isellem għall-aħħar darba lill-Kaptan Paul Muscat

Il-Kaptan Paul Muscat għamel l-aħħar vjaġġ tiegħu abbord il-vapur tal-Gozo Channel, Gaudos, hekk kif il-katavru tiegħu twassal Malta qabel jingħata l-aħħar tislima nhar il-Erbgħa.

Filmat li nġibed minn ħaddiema tal-Gozo Channel juri l-karozza tal-mejtin nieżla minn fuq ir-rampa waqt li ngħata salut bid-daqq tal-ħorn tal-vapur u ċapċipa mill-ħaddiema u dawk li kienu abbord il-vapur.

Paul Muscat u s-sieħba tiegħu nstabu mejta f'kamra fi Mġarr ix-Xini wara li ħareġ gass u belgħuh.

Muscat se jingħata l-aħħar tislima nhar l-Erbgħa, 7 ta’ Marzu, fit-08:30am fil-Knisja Parrokkjali ta’ Ħal Tarxien.