Jitlef il-kontroll, jaħbat ma' karozza pparkjata u jinqaleb

Tliet persuni weġġgħu wara inċident tat-traffiku li fih żagħżugħ tilef il-kontroll tal-vettura, ħabat ma’ karozza pparkjata u nqaleb bil-vettura b’kollox.

L-inċident seħħ ilbieraħ filgħaxija għall-ħabta tad-disgħa f'Telgħet Raħal Ġdid.

Il-karozza kienet misjuqa miż-żagħżugħ li għandu 20 sena minn Bormla u miegħu kien hemm passiġġiera tfajla ta’ 15-il sena u mara ta’ 39 sena, it-tnejn residenti l-Iklin.

Aktar tard, ix-xufier ġie ċċertifikat li qed isofri minn ġrieħi gravi filwaqt li l-passiġġiera weġġgħu ħafif.