Operazzjonijiet posposti minħabba influss ta' pazjenti bl-influwenza

Fl-aħħar jiem l-Isptar Ġenerali ta' Għawdex iffaċċja numru ta' sfidi operazzjonali minħabba numru kbir ta' nies bis-sintomi tal-influwenza. Fi stqarrija il-Vitals Global Healthcare, li tmexxi dan l-isptar, ħabbret illi qed tuża żoni mill-isptar, ġeneralment użati minn pazjenti li jkollhom bżonn jibqgħu l-Isptar għal ġurnata biss, għal kura ta' dawk li qed ibatu mill-influwenza. 

Il-VGH ħabbret ukoll li se tkun qed tipposponi numru ta' operazzjonijiet 'mhux kritiċi' bi ftit ġranet minħabba dan l-influss ta' pazjenti.