Silġ fis-Sahara; Il-borra fid-deżert dalgħodu

Jidher illi s'issa Malta u l-madwar ħelsuha mill-kesħa kbira li qed tagħmel f'ċerti żoni tal-Ewropa u anke tal-Mediterran li qed tilħaq mhux biss bliet f'pajjiżi bħal Spanja imma issa saħansitra d-deżert. 

Fil-fatt, għar-raba' darba f'37 sena għamlet il-borra fid-deżert tas-Sahara ħdejn il-villaġġ ta' Ain Sefra fl-Alġerija. Dan kien kawża ta' temp kiesaħ ħafna (u rari wkoll) li ġab miegħu ftit borra li dam biss ftit minuti hekk kif malli bdiet togħla t-temperatura dan is-silġ beda jdub. 

L-awtoritajiet Alġerini qalu li b'kollox niżel madwar 40 ċm ta' borra li beda jdub għall-ħabta tal-5 am.