Ġermaniża fil-periklu tal-mewt wara li taqa' żewġ sulari f'kunvent

Tfajla ta’ tnejn u għoxrin sena, tinsab fil-periklu tal-mewt wara li waqgħet minn għoli ta’ madwar żewġ sulari ġo kunvent fi Pjazza Santu Wistin, Rabat, Għawdex. L-inċident seħħ għall-ħabta tas-06:30 a.m.

Minn stħarriġ preliminari jirriżulta li t-tfajla li hija ta’ nazzjonalità Ġermaniża u kienet Għawdex għal btala. Hija ttieħdet b’ambulanza fl-Isptar Ġenerali t’Għawdex iżda minn hemm hekk ser tiġi trasferita ġewwa l-Isptar Mater Dei.

Il-Pulizija tad-Distrett ta’ Għawdex qed jinvestigaw il-każ. Il-Maġistrat tal-Għassa Dr. Coppini LL.D ħatar diversi esperti sabiex jassistuh fl-inkjesta Maġisterjali.