Intraċċat it-tieni vapur abbandunat mimli immigranti

Vapur irreġistrat Sierra Leone b’aktar minn 400 immigrant iżda mingħajr ekwipaġġ jinsab viċin il-kosta Taljana mitluq għal riħu. Dan hu t-tieni vapur abbandunat viċin il-kosta Taljana fl-aħħar jiem.

L-ewwel vapur abbandunat instab li kellu kważi 1,000 immigrant abbord u kien qrib il-gżira ta’ Korfù. Dawn l-immigranti ddaħħlu kollha l-Italja.

Intant jidher li l-baħar qawwi qed itellef lill-ħaddiema ta’ salvataġġ biex jitilgħu abbord il-vapur li nstab ilbieraħ.