Attenti! Dan il-prodott jista' jkun perikoluż għal xi nies....
Il-prodott imsemmi m’għandux jiġi kkunsmat minn persuni li huma allerġiċi għas-sulfati minħabba li nstab li fih sulfati li mhumiex iddikjarati fuq it-tikketta
minn Albert Gauci Cunningham
Skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika jixtieq jinforma lill-pubbliku li wara informazzjoni li rċieva dan id-direttorat permezz tas-Sistema Rapida tal-Ikel u l-Għalf, il-prodott imsemmi m’għandux jiġi kkunsmat minn persuni li huma allerġiċi għas-sulfati minħabba li nstab li fih sulfati li mhumiex iddikjarati fuq it-tikketta.
|
Isem tal-prodott: |
Lemon juice concentrate |
|
Ditta: |
Piacelli Citrilemon |
|
Data tad-durabbiltà: |
14/07/2020 |
|
Volum: |
200ml |
Għal aktar informazzjoni, il-pubbliku jista’ jċempel lis-Servizzi tal-Ispettorat tas-Saħħa fuq in-numru tat-telefon 2133 7333 mit-8:00 ta’ filgħodu sas-2:30 ta’ waranofsinhar jew jibgħat email fuq [email protected]. Il-pubbliku jista’ wkoll jirrikorri personalment fl-uffiċċju tal-istess direttorat li jinsab Continental Business Centre, Old Railway Track, Santa Venera. Il-pubbliku huwa ġentilment mitlub iżur il-paġna tad-Direttorat fuq Facebook https://www.facebook.com/pages/Environmental-Health-Directorate-Malta/145027878928626?ref=hl jew is-sit uffiċjali fuq https://deputyprimeminister.gov.mt/en/environmental/Pages/Home-Page.aspx għal informazzjoni simili.
